SAK KAREPMU CUK

Gak ngerti yok opo nglekasine cuk. Mumet. Dudu gak ngerti opo sing kate tak omongno tapi gak ngerti yok opo iso ngomong nang awakmu dan awakmu iso ngerti. Aku gak seneng ngene iki, kudune yo kon ngerti. Gak pisan pindo aku ngalah, njajal ngerti opo sing nang utekmu, yok opo posisimu tapi sumpah kadang angel ngerti awakmu. Gak nyandak utekku. Pikiranmu adoh, gak nutut utekku. Gak masuk akal iku sing sering tak rasakno tapi nyatane ono, yo awakmu iku. Aku wes tau omong dudu umur, bah tuwo bah enom, dudu jabatan utowo apapun sing dadi labelmu tapi kelakuanmu sing tak delok, pantes gak awakmu dihormati.

Kon meneng aku yo iso luweh meneng. Kon nyangkem lek ancen iso gawe awakmu lego yo monggo tapi yo rungokno aku pisan cuk. Gak iso lek awakmu pingin terus sak karepmu, aku yo iso ae sak karepku tapi terus yok opo? Lek sak karepe dewe kabeh terus dadi opo? Seangel iku ta nggo ngerti? Angel opo gak nyandak blas, podo koyo aku sing yo gak nyadak karo kesimpulanmu ben kene omong? Aku blajar, aku berusaha, masio ta angel tapi tak ke’i wektu nggo awakku dewe kanggo mikir opo sing tok pikir nang utekmu. Gak iso ta mikir ngono pisan?

Aku gak percoyo salah bener, abot songgone tapi aku percoyo kene iso dan kudu ngerti resiko soko opo ae pilihan uripe kene. Bah wong kate ngomong salah, bah wong kate omong bener, asal kon wani nanggung opo ae sing dadi pilihanmu gak masalah gawe aku. Aku dewe yo mikir ngono, kesel lek kudu nuruti omongane wong, gak bakal ono enteke. Jare tuwek brarti lak ngene ki kudune yo wes paham. Jare dewasa mosok dijak mikir ngene ae angel. Iki dasar cuk, durung ono apa-apane, bakale akeh sing luweh gendeng maneh, akeh sing luweh “gak masuk akal” dan kudu dilakoni.

Pingin dihormati yo duduhno lek ancen awakmu pantes dihormati. Pingin dipercoyo yo ojo gomblohi cuk. Gak ngerti pisan pindo ra popo, jare manusiawi, tapi gak ngerti terus mosok kate diterusno? Sing genah ae. Aku gak pingin koyo ngene terus, aku yakin kon yo gak pingin pisan tapi yok opo usahamu? Males cuk kakean cangkem tapi meneng yo kon gak ngerti-ngerti. Sak karep, sak nyandakmu. Lek ancen angel yo wes ra sah dipekso, mungkin ancen koyo ngene kemampuanku ngerti awakmu, mungkin ancen semene kualitasmu.

Menungso gak ono sing podho, gak bakal ono. Kon milih dalanmu, aku yo milih dalanku. Ojo dilurusno, aku mungkin bengkong tapi kon gak ngerti tujuanku dadi gak usah repot-repot. Ojo ndelok gawe motomu thok, pindaho deloken ko posisiku. Sek angel? Yo wes lah, urusono uripmu ae, tak urusi uripku. Tak hormati pilihanmu dadi yo tolong hormatono pilihanku sisan. Lek ancen awakmu peduli, koyoke gak bakal seangel iku, paling gak nggo ngerti lek iki uripku. Sepurane lek gak iso nuruti karepmu, sepurane lek gak tepak menurutmu tapi sepurane iki pilihanku karena iki uripku.

Advertisements

6 thoughts on “SAK KAREPMU CUK

  1. I’ve been trying to find a new template for my WordPress blog and yours is genuinely beautiful. Any likelihood I could get a link to where you bought or found it? If it’s a custom, I’d love to know who your designer is!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s