WONG EDAN!

sebuah catatan yg diambil dari note FBku

Kanggo arek-arek keren sing cenderung edan sak dunyo,

LEK!LEK!LEK!

Wes suwi lek gak nulis nang note’e FB, kangen aku karo rai-raimu terutama karo cocotmu. Sakjane yo sek nulis tapi akhir-akhir iki aku lagi jajal rodo serius, macak waras istilahe. Berhubung aku yo termasuk arek keren sing cenderung gaul *cik! Isin aku sakjane* koyone enak lek curhat-curhatan nang kene, kan salah siji cirine arek gaul iku lak senengane ngupdate status, pamer bondo, pamer rai lan pamer masalah ati intine opo ae sing dilakoni lan dirasakno diumbar-umbar *masio tho asline palsu.*

Pirang-pirang dino iki aku “ngadem lan mendem (dudu omben-omben lho lek)” nang howo deso, ngrasakno maneh opo sing biyen ben dino iso tak rasakno. Tangi isuk-isuk trus mancal slimut maneh, olah raga. Tangi maneh soale weteng mules masio kudu sabar soale penghuni liyane hobine keturon nang WC. Nyapu asu-asuan karo mecucu, ngomel ndelok omah reget tapi muales soale howone sek adem. Yek lagi bolong udele yo umbah-umbah *jare* soale luwih mirip nyelupno klambi trus dipepe koyok banci sing kesusu selak ditangkap satpol pp.

Mbukak irik nemu sego, gak nemu sih sakjane (lha mosok ono wong edan sing isuk-isuk ninggal sego nang irike tonggone), mangan mari ngono jelase. Tingak-tinguk koyo maling pemean, bingung kate lapo, terpaksa adus ae (yok opo gak terpaksa wong bayune koyo es, uadem lek). Tips yen awakmu pingin iso lancar nulis utowo nglakoni opo ae, banyu iso ngguyang awak lan utekmu sing bengine mari dienggo mikir barang-barang reget. Mbuh wong liyo yok opo tapi yen aku dewe bener-bener ngrasakno manfaate adus isuk. Masalah adus ora asu-asuan lek, secara aku lak priyayi, lagian kanggo njogo cek kulitku tetep putih lan resik jare lek’e kon sering-sering adus trutama pas nggosok awak sing nemen cek mudal kabeh bolote (bolotku yo putih lek).

Tips kaping loro cek awakmu iso seger, ora aras-arasan, yen kate lapo-lapo yoiku macak sing mening. Yen gayamu gothic yo celakan es, dudohno iku motomu, gawe kaos ireng, clono ireng, kalung, gelang ireng sing njrungut-njrungut koyo kawat *gothic opo punk opo malah dukun?* sak karepmulah opo jenenge. Yen awakmu chic, pilih klambi pink, rambute diabang, gawe high heel, blush on, maskara ojo lali pondatione sing kandel. Cek gak ilang kenek kringet pilih sing waterproof soale lagi mongso rendeng, gak lucu kan lek luntur bukane dadi chic malah koyo wong edan *masio gak kudanan koyone tetep koyo wong edan.* Intine rek, opo ae gayamu sing maksimal yen macak cek atimu seneng trus semangat deh.

Aku dewe milih sing simple soale secara fisik yo gak ono sing perlu ditambah-tambahi *macak sok cool, siap-siap dijenggongi ki* paling pol masang sanggul disek nang salon. Mari macak golek posisi sing paling enak, gowo ngombe, masang headset nang kuping, manggrong (kate dodolan be’e). Kadang merem, kadang melek, sak penake. Kadang mleding, kadang gulung-gulung, sak metune. Yen wes nemu tepake garek ngguyune. Masio jarang bayaran sing penting lego atine. Sak teruse, ben aku lan sing kuoso sing ngerti…amin (opo maksude?). Sing jelas tak gawe sak penakku. Jare urip mung pisan, lek digawe soro yo rekoso dewe.

Mbalik nang masalah arek keren sing cenderung edan konco-koncoku, yok opo critamu? Baginen lek cek kabeh wong nang dunyo iki iso keren koyo awak-awakmu. Lak bosen seh ben dino nonton sinetron-sinetron asyu lan berita-berita gak penting sing garai ndas tambah mumet. Bosen maneh moco status-status palsu nan asyu. Aku yakin kon arek-arek keren *akeh edan’e* sing gak cuma duwe utek tapi yo digawe. Opo tips-tipsmu cek iso tetep keren lan edan? Opo ide-ide kerenmu sing cenderung edan? Tokno kabeh rek! Bocoran ae sakjane aku lagi golek dukungan kanggo magang dadi ketua RT (ra sah duwur-duwur, perubahan soko sing cilik disik, Jupe ae magang bupati mosok aku sing luweh keren lan 39 ora wani), bayangno lek pemimpine keren koyo awake dewe lak sip tha dunyo iki. Yo wes semono ae, cuma pingin nyopo awak-awakmu lan krungu cocotmu, maneh.

Tembang apik nggo nutut note iki (gawe gayane tukul yen lagi ngerap)

WONG EDAN! WONG EDAN! DELOKEN SAIKI AKEH WONG EDAN!

WONG EDAN! WONG EDAN! AKU LAGI NGOMONG KARO WONG EDAN!

WONG EDAN! WONG EDAN! NGAKU-NGAKU KEREN ASLINE EDAN!

WONG EDAN! WONG EDAN! KOYOKE AKU WES EDAN!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s