YOK OPO URIP “TEPAK” MENURUTMU?

Yok opo urip “tepak” menurutmu?

Kaet awake dewe cilik kabeh wong tuwo pasti dungane mugo-mugo uripe anake tepak. Durung tau nemu wong tuwo sing dungakno anake cek uripe bakal ciloko masio wong tuwone gak genah uripe. Mungkin awale ono sing mangkel karo anake tapi aku percoyo yen nang njero atine pasti pingin anake genah ora koyo urip sing tau dilakoni dewe. Tepak mungguhi menungso aku yakin bedo-bedo secara awake dewe yo ora podo asal-usule. Ono sing bapake aparat, ono sing bapake keparat. Mungkin lek’e anggota dewan sing jare terhormat iso ugo lek’e mung pegawai emperan. Ora penting sopo wong tuwomu, sopo lekmu amargo “tepake” uripmu awakmu dewe sing ngerti yok opo.

Ono sing mari lulus kuliah langsung oleh kerjo, jare uripe tepak. Ora ngerti yen ben dino ndase mumet kudu jebol ae utekke. Ngurusi tetek bengek sing luweh sering gak jelas lan garai mangan ati. Kebijakan sing kudune yen sesuai karo istilahe kudune dinggo cek kabeh iso diatur sak tepak-tepake kanggo kepentingan kabeh uwong dudu mung sebagian tapi nyatane mung dinggo alat kanggo tepake uripe dewe lan gawe soro liyane.  Ono sing wes rabi trus duwe anak, jelase yo duwe bojo sisan, baru uripe diroso tepak. Ora mikir yen ngurus anak bojo yo ora gampang, tanggung jawabe gede dunyo akhirat. Mumete golek duwit nggo tuku brambang lan beras, sing dipikir mung ora isin soale wes payu lan ora ditakoki maneh “kapan rabine” ben teko nang kawinan.

Tepak iku yen kerjo, oleh bayaran masio ora lapo-lapo liyane rokokan karo rasan-rasan, ono sing mikir ngono. Ora masalah, urip iku pilihan. Opo sing awake dewe jaluk yen awake dewe yakin pasti bakal ketekan, kewujud. Uripmu awakmu dewe sing ngatur, masio tho jare takdir tapi aku yakin sing kuoso yo ora ngawur, kabeh sesuai opo sing tok usahakno. Masalah waktu, kapan bakal kewujud, kapan bakal kasil, kapan uripmu “tepak” pasti wes ono wayahe dewe-dewe. Sabar iku kualitas urip sing ora gampang opo maneh main-main. Abot nglakoni, abot sisan songgone.

Pirang taun awake dewe wes urip nang dunyo ora diitung gawe itungan kalender gawean menungso tapi yok opo wong liyo iso ngroso yen awakmu ancen ono gunane disilihi nyowo karo sing kuoso. Pirang taun maneh awake dewe bakal iso ngrasakno sego, ora ono sing ngerti secara ono sing mari mangan pangsit moro-moro mati soale sumpite katut dilek. Sing mari nguyu cekakakan karo konco-koncone teko omah nangis geru-geru goro-goro kucinge sing diopeni kaet cilik mati diracun tonggone. Uripmu tepakno dewe. Masio mati diterno tapi durung tau tumun yen ono sing gelem ngancani nang njero kuburan, masio tho pacarmu sing jarene bakal setia urip lan mati.

Yok opo urip “tepak” menurutmu?

Urip tepak mungguhku kanggo saiki yoiku iso nglakoni opo sing tak pingini masio tho durung ono apa-apane. Sik akeh sing durung tak lakoni, sik akeh sing mung tak angen-angen durung iso tak wujudne. Mungkin uripku yo gak bakalan iso tepak secara wes sifate menungso kabeh dipingini. Uripku mungkin jaremu tepak iso ugo gak tepak blas menurutmu tapi paling gak aku wes milih dalanku. Yok opo tepake tak golekane dewe soale kabeh loro lan seneng aku dewe sing ngrasakne. Tepak ora uripku tak lakonane. Saiki dudu opo-opo sesuk moro-moro joyo, saiki dewe mobil limo sesuk moro-moro udo, tuku klambi ae ora iso.

Yok opo urip “tepak” menurutmu?

Pikiren dewe.

Advertisements

One thought on “YOK OPO URIP “TEPAK” MENURUTMU?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s